女伙記

食客：整碟叉燒炒蛋黎呀。
女伙記：食咁多做乜鬼！
女伙記（送上叉燒炒蛋）：拿，唔好再叫勒下！

食客：呢度有乜好食？
女伙記：無架，無野好食架！
食客：咁乜野最唔好食呢？
女伙記：鷄翼啦！鷄翼最唔好食！
食客：唔係呀，炒蛋幾好食。
女伙記：唔好食架，炒蛋有乜好食！最唔好食！

食客：有乜小食架呢度？
女伙記：無小食！

食客：呢度有乜下午茶架？
女伙記：都係果ｄ架乍。無下午茶餐架。都係你地頭先食果ｄ拿。

食客：比支藍帶呀！
女伙記：咩藍帶呀！？
食客：ｅｒ．．．．．．藍妹？
女伙記：藍妹就有，無藍帶架下，幾個杯？

女伙記：閃開啦，抹枱呀！
食客：．．．．．．（閃開）
女伙記：係勒，拿，越遠越好呀，阻住晒！

食客：呢度幾時收架？
女伙記：隨時都收！

食客：收錢呀。
女伙記：一百八十蚊呀。
女伙記（找錢）：呢度好貴架，唔好黎呢度食啦。出面平好多架，真架！