你個仔學小提琴與香港人的性無能

“香港工時己名列世界前三位，我地應該點配合政府，等香港努力爭取名列前芧？呢個問題應由教育做起！

而家D中小學生，實在太得閒。佢地除左返學補習，學音樂，學畫畫，學呢學路，都仲咁鬼得閒上網寫XANGA，證明佢地仲有空閒！所以，阿乜太乜太，你個仔學小提琴之餘，好應該比佢學埋二胡！等佢地學晒所有野，為乜？為入間好既名校囉！唔通為興趣呀？個個會考都為左10A架啦，讀書為左知識架咩？痴線！總之，由細培養到大，長時間工作，長時間勞動，好快香港就可以係工時上面名列前芧。

其實，無咩唔好呀。狂做狂做，咪唔駛諗住做愛囉。而家D後生既，細細個就攪出人命。如果無時間，咪唔駛做囉。大人都係架，之前個做愛次數研究同呢次個工時統計，咪話你知囉，香港人淨係做野唔做愛麻。又係好快，香港人就性無能。咁結果咪下一代又性無能囉。幾好？唔駛怕佢細細個就攪大人個肚。

一句講晒，你個仔去學小提琴同香港人性無能就係香港既偉大前景！阿們！”

他說的。

他是誰？他是一直認為最高工時和最低工資需要共識才可實行的那個人。

唔……其實，他沒有說過，但心裏大概這樣想……